Wednesday, July 1, 2015

Penning them down: Ek Kavita Likhta Hun Mai...


I am not a poet, I don't know about the nuts & bolts of poetry, yet I love to pen down few lines every once in a while whenever I feel like doing. I am not sure if these write-ups really qualifies to be called up as a poem but writing these gives me a medium to express myself in such a way that I can convey a story of thousand words. 

Most of my writings have depictions of a journey, a journey of everyone's life. A journey we undertake the day we enter this world and till the very day we live. This journey is not about just going on aimlessly after superficial things, it's about finding yourself along the way and cherishing the journey & keeping the hope alive to reach the ultimate destination... It's all about staying motivated...never to give up and just going on and on and on....

Some of the write-ups I penned down recently. Suggestions, criticism and feedback highly appreciated

"Kai Baar Mai Yun Sochta Hun..."


Kai baar mai yun sochta hun...
Ke khwab adhure kyu reh jate hai...
Dilo ke armaan yuhi kyu reh jate hai...

Jab jab wo pal yaad aate hai...
Mujh ko ye sochne pe majboor kar jate hai...
Ke yun toh ye zindagi hai itni hasin...
Fir bi dilo pe itne zakhm kyu ban jate hai....

Har pal har lamha intezaar karte hai..
Ab tak apne us sapne ka aitbaar karte hai....
Agar kaaynaat sacchi ibaadat sunti hai...
Toh Fir sapne chur.... aur apne dur kyu hojate hai...

Kai baar mai yun sochta hun...
Ke khwab adhure kyu reh jate hai...
Dilo ke armaan...bas....yuhi kyu reh jate hai...!

"Ek Kavita Likhta Hun Mai..."

Ek kavita likhta hun mai...
Apne dil ki dastaan likhta hun mai...

Us safar pe nikal pade hum jiski raahe thi badi mushkil..
Un raaho pe kisi ke saath ka milpana bhi tha namumkin..

Akele hi chalte rahe hum un yaado ka karwaan leke..
Jaise bhi safar kate.. piche mud ke hum naa dekhe..

Un raaho pe hi paya maine apne aapko..
Jo kho gaya tha kisi ke sapno me us raat ko..

Rukega nahi ye safar chahe ye kitna bhi mushkil hojaaye..
Hume h aitbaar apni tanhai ka.. bus ye kahi bewafa naa hojaaye...

Ek kavita likhta hun mai...
Apne dil ki dastaan likhta hun mai...

"Ye Mausam Diwana Banata Hai..."


Ye mausam diwana bnata hai..
Kuch anjane chehre yaad dila jata h...

Barish ki pehli boond pagal banaye...
Megha ke garaj ki goonj fir wo pal yaad dila jaaye..

Ye mitti ki khushbu, Wo hawa ka jhauka...
Wo Bematlab ka yaadon me yuhi khoya rehna...

Badalo ki iss garaj me dhundu koi sargam...
Duniya chale chalti rhe..tham jaaye ye pal mere liye hurdum...

Aitbaar hai in baarish ki bundo ko mera..
Jo in asuo ke sath mil jane pe bhi pehchane sapna mera..

Ye mausam diwana bnata hai..
Kuch anjane chehre yaad dila jata h...

"Waqt Ne Kiye Kya Haseen Sitam..."

"Waqt ne kiye kya haseen sitam
Zindagi ke sahe maine sare gum

Har pal maine sahi ruswai
Bheed me bhi sath rhi ye tanhai

Jab dekha us pal ko guzarte hue
Sab sapne sab armaan chuur hue

Aati h yaade, sehmati hai wo khamoshi..
Dil pe jab yun guzri, mit gayi zindagi ki har khushi..

Chalta rahun iss safar me dekhta rahu ye manzar
Kya pata inn raaho pe mil jaaye koi humsafar...

Waqt ne kiye kya haseen sitam
Zindagi ke sahe mne sare gum"

"Ek Aarzu Mere Dil Me Hai..."


Ek aarzu mere dil me hai...
Safar ye ab khatam hone ko hai...

Chalte chalte mili hume manzile kai...
Sirf kaamyabi me nahi....naakamio me bi dhundi ek khushi nai...

Is safar me mile muje musaafir kai...
Kuch ban gaye zindagi ka hissa...kuch degaye zakhm kai....

Jis manzil ki talaash me shuru kiya tha ye safar...
Wo manzil toh naa mili ...magar mile raah me mujh jaise kai hum safar...

Ab waqt aagaya hai bichdne ka...ajeeb yun silsila hua...
Manzil paane ki talaash me maine khud ko hi paa lia...

Jab jab un rasto ko hum mud ke dekhenge....
Hongi kabi humari aankhe num...kabhi hum yuh hi muskuradenge....

Ek aarzu mere dil me hai...
Safar ye ab khatam hone ko hai...

"Socha Naa Tha..."


Chala tha wo manzil ki talaash me...
Magar milega naa use koi sahil... ye socha naa tha....

Sapne dekhe hazaar umeeden rakhi baar baar....
Tutenge sapne hogi raaho me takraar... ye socha naa tha...

Shaam dhalegi milegi manzil aur thamega ye safar...
Par raaho me mile yun kaante... ye socha naa tha...

Milenge raah me kai humsafar
Magar saath chod denge wahi bich raah me...ye socha naa tha

Ummeedo ke iss akash ko dhakenge pal pal ye naakamio ke badal...
Par fir bhi nahi rukega ye pathik aur pa jaega ek din apni manzil....ye toh in mushkilo ne bhi... socha naa tha....

"Ye Zindagi Ajab Sa Ek Safar Hai..."


Ye zindagi ajab sa ek safar hai...
jisme musafir toh hai kai..
par har koi nahi apna humsafar hai...

aate jaate rehte hai yaha pe pathik kai...
kuch chalte dusro ke nakshe kadam aur yun hi dagmaga jaate hai...

kuch banate apne raste aur unki hoti riti nai..
kuch bich safar me hi idhar udhar bhatak jaate hai...

Kuch pohoch jaate apne antim lakshya tak aur likhte ek kahani nai...
Kuch dekhte dusro ke safar ko aur uphaas unka banate hai...

Kuch chalte chalte iss bheed me bhi sehte hai ek ajeeb si tanhai...
kuch akele chalte hue apna khud ka saath nahi hai chodte aur bus muskurate jaate hai..

Ye zindagi ajab sa ek safar hai...
jisme musafir toh hai kai..
par har koi nahi apna humsafar hai...

"Bada waqt ho gaya kalam uthaaye hue..."




Bada waqt ho gaya kalam uthaaye hue...
Likh deta tha kuch geet yun hi mai...
Ab arsa ho gaya unhe gungunaye hue...

Aaj fir dil ne lafzon ko pukara hai...
Ab lagta hai waqt ka yahi ishara hai...

Ab fir se naye sapno ko jagana hoga...
Ab dil me unhi ko saamana hoga...

Nikal padenge fir se kisi naye safar pe...
Jisme manzil se bada safarnama hoga...

Bada waqt ho gaya kalam uthaaye hue...
Likh deta tha kuch geet yun hi mai...
Ab arsa ho gaya unhe gungunaye hue...

No comments: